Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
6 İyul 2020


Erməni jurnalistlərlə görüş... – Gəncəliyev bəyanat yaydı

Ana səhifə Siyasət
12 Punto 14 Punto 16 Punto 18 Punto

Azərbaycan Respublikasının Dağlıq Qarabağ bölgəsinin Azərbaycanlı İcmasının sədri Tural Gəncəliyev bəyanat yayıb.

Axar.az bəyanatın mətnini təqdim edir:

"Məlum olduğu kimi, Azərbaycan və Ermənistandan, o cümlədən Azərbaycanın Dağlıq Qarabağ bölgəsinin erməni icmasından olan bir qrup jurnalist bu günlərdə qarşılıqı səfərlər ediblər. Səfəri ATƏT-in Fəaliyyətdə olan sədrinin şəxsi nümayəndəsi Anjey Kaspşik və onun Bakı, İrəvan və Xankəndidə olan nümayəndələri təşkil ediblər.

Səfər müddətində erməni jurnalistləri azərbaycanlı həmkarları, vətəndaş cəmiyyəti nümayəndələri və tədqiqat mərkəzləri ilə görüşlər keçirib, ölkəmizdə sərbəst və sülh şəraitində fəaliyyət göstərən pravoslav rus, yəhudi, katolik kilsələləri ilə tanış olublar, ASAN Xidmət, DOST Mərkəzində, Gəncə və Quba şəhərlərində olublar. Həmçinin, erməni jurnalistlərin Bakının mərkəzində - erməni dilində olan kitabları ilə birlikdə qorunan - erməni kilsəsi ilə tanış olublar.

Erməni jurnalistləri ilə görüşlərdə Dağlıq Qarabağın azərbaycanlı icması da iştirak edib.

Erməni jurnalistlər Azərbaycanın inkişafı, ölkəmizdə mövcud olan multikultural mühit, sülh və sabitlik, dövlətin vətəndaşa göstərdiyi xidmətlər, regionların çiçəklənməsini öz gözləri ilə görüb və tanış olublar.

Azərbaycanlı jurnalistlər isə ATƏT-in nəqliyyat vasitəsində Ermənistana və işğal altında olan Şuşa və Xankəndi şəhərinə səfər edib, Dağlıq Qarabağın erməni icması ilə görüşüb və müzakirələr aparıblar.

Azərbaycanın Dağlıq Qarabağ bölgəsinin erməni icmasından olan jurnalistin Bakı, Gəncə və Qubaya səfəri, Azərbaycan jurnalistlərinin Şuşa və Xankəndi şəhərlərinə səfəri və yerli erməni icması ilə görüşləri Azərbaycanın Dağlıq Qarabağ bölgəsinin erməni və azərbaycanlı icmaları arasında dialoqa töhfədir.

Biz həmişə Azərbaycan Respublikasının Dağlıq Qarabag bölgəsinin azərbaycanlı və erməni icmaları arasında dialoqu, dinc yanaşı yaşayışı dəstəkləmişik və təşviq etmişik. Sözügedən səfər və görüşlərə də məhz bu baxımdan yanaşırıq".

Tarix
2019.11.26 / 10:15
Müəllif
Axar.az
Şərhlər
Digər xəbərlər

Rəsmi Bakıdan ABŞ-a təbrik mesajı

Mnatsakanyan görüşdən dərhal sonra Qarabağa gəldi

İlham Əliyev 5 fərman, 1 sərəncam imzaladı

İlham Əliyev Trampa məktub göndərdi

Müharibə hazırlığı: Cavab elə ağır olacaq ki, İrəvan... - Deputat

Bakı yeni islahatlara hazırlaşır: nələr dəyişəcək?

Düşmən Murovda postlarımızı “ələ keçirib”? – MN-dən açıqlama

Prezident Şərq-Qərb dəhlizindən danışdı

Prezident açıqladı: Bu layihə qitələri birləşdirir

Əşrəf Qani: Məqsədimiz Azərbaycandan Əfqanıstana...

KULT
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla