Rusiyada rəsmi səfərdə olan Milli Məclisin sədri Sahibə Qafarova Dövlət Dumasının spikeri Vyaçeslav Volodinlə görüşəcək.

Axar.az xəbər verir ki, bu barədə Dövlət Dumasının mətbuat xidməti məlumat yayıb.

“Sentyabrın 23-də Dövlət Dumasının spikeri Vyaçeslav Volodinlə Azərbaycan Milli Məclisinin sədri Sahibə Qafarova arasında görüş keçiriləcək”, - məlumatda qeyd olunub.

Görüş zamanı parlamentlərarası əməkdaşlığın dərinləşdirilməsi, beynəlxalq platformalardakı qarşılıqlı fəaliyyət və milli qanunvericiliyin yaxınlaşması məsələlərinin müzakirəsi planlaşdırılır.