Qarabağda oldum. İllərdir əsarət altında saxlanılan Azərbaycan torpaqlarında erməni barbarlığının əyani şəkildə şahidi oldum. Hər tərəf dağıntı. İnanıram ki, Bakı tez bir zamanda bu torpaqlara gözəlliyi, həyatı qaytara biləcək.

Axar.az xəbər verir ki, bu sözləri tanınmış rusiyalı ekspert, hərbi müxbir Yevgeni Mixaylov bilirib.

Ekspertin sözlərinə əsasən, o və digər əcnəbi qonaqlar Xocalı soyqırımının qurbanlarının dəfn olunduğu məzarlıqda olub.

“Bu insanlar silahsız idilər, onlar sadə kəndlilər idilər. Bunun başqa adı yoxdur. Bu erməni hərbi birləşmələrinin törətdiyi soyqırım aktı idi! Əslində onlara hərbçi yox, terrorçu desəm, daha düzgün olar. Hazırda mənimlə yanaşı dünyanın bir çox yerindən müxbirlər bu soyqırım aktı barədə həqiqəti işıqlandırmaq üçün bura yığışıb. Bütün dünya bu vəhşılik haqqında bilməlidir”, - deyə Mixaylov qeyd edib.