Yuxarı

Tonoyan təklifdən imtina etdi və “yeni müharibə” dedi - Video

Ana səhifə Siyasət
12 Punto 14 Punto 16 Punto 18 Punto

15:36

Əminliklə deyə bilərəm ki, müharibə bölgədəki geosiyasi gərginliklərin sona çatması ilə nəticələndi. Çünki müharibədən öncə regiondakı gərginlik son dərəcə yüksək idi.

Bu sözləri Axar.az-a açıqlamasında ABŞ-ın Azərbaycandakı keçmiş səfiri və Minsk Qrupundakı sabiq həmsədri Metyu Brayza deyib.

O bildirib ki, 2019-cu ilin yazından başlayaraq, Ermənistanın o vaxtkı müdafiə naziri artıq sülh üçün Minsk Qrupu ərazi formulunu qəbul etmədiklərini dilə gətirmişdi:

“Bu formula görə Ermənistan Azərbaycanın torpaqlarını geri qaytaracaq, Azərbaycan isə erməni tərəfinə sülh zəmanəti verəcəkdi. Keçmiş nazir isə (Tonoyan – red.) bundan imtina etdi, “yeni formul - yeni ərazilər üçün yeni müharibələrdir” dedi. Və bu, Baş nazir Paşinyanın sonradan təkrarladığı bir fikir idi”.

M.Brayza qeyd edib ki, erməni tərəfi gərginliyi artırmağa çalışırdı və bəlkə də müharibənin olmasını istəyirdi:

“Görünür, erməni tərəfi çox güman ki, Azərbaycanın Türkiyə ilə tərəfdaşlıq və İsrailin köməyi ilə öz ordusuna inteqrasiya etdiyi innovativ taktika və texnologiyalardan xəbərsiz olaraq qalib gələ biləcəyini guman edirdi.

Beləliklə, müharibədən əvvəl geosiyasi gərginlik çox yüksək idi və xatırlayırıq ki, 2020-ci ilin iyul ayında Azərbaycan və Ermənistan sərhədi boyunca hərbi toqquşmalar baş verdi, amma Minsk Qrupunun həmsədrləri Fransa və ABŞ heç nə etmədi. Rusiya çox fəallıq göstərdi, amma öz qoşunlarını konfliktə cəlb etmədi.

Əslində, münaqişədən dərhal sonra Rusiya Ermənistanla təcili hərbi təlimlər apardı, daha sonra Türkiyə də Azərbaycanla eyni şeyi etdi. Beləliklə, o anda Vaşinqtondakı beyin mərkəzləri, dünyadakı bir çox dostlarım və jurnalistlər Rusiya, Türkiyə, Azərbaycan və Ermənistanın və hətta bəlkə də İranın iştirakı ilə regional müharibə ehtimalının olduğuna inandılar.

Hazırda isə belə bir şans yoxdur. Azərbaycanla Ermənistan arasında gələcəkdə heç bir müharibə olmayacaq, çünki Ermənistan müharibə aparmaq iqtidarında deyil, Azərbaycan isə bunu istəmir. Rusiya və Türkiyə də öz növbəsində bölgədə müharibə olmasını istəmir. Beləliklə, müharibənin yenidən başlama şansı yoxdur”.

Tarix
2021.09.29 / 21:37
Müəllif
Rəfiqə Əlisəfa
Şərhlər
Digər xəbərlər

Bakıda xanım jurnalistlə şəkli - Musəvi İranda tənqid edildi

İrəvan Fransanın oyunlarına getməməlidir! - İcma

Paşinyan separatçıları hədələdi: Bir hakimiyyət var!

Bu, Fransanı ciddi narahat edir - Nağıyev

Fransa İrəvanı yeni müharibəyə təhrik edir - DTX rəisi

Bakıya qarşı şər ittifaqı qurulur: cavabı olacaq - General

Azərbaycandan çox şey götürdük, verməyəcəyimizi dedik...

XİN-dən Namiq Abbasovun vəfatı ilə bağlı paylaşım

PA rəsmisindən Rasmussen paylaşımı: Pullar danışır!

Paşinyan orduya geri çəkilmək əmrini apreldə verəcək?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla