ABŞ Dövlət katibinin müavininin Avropa və Avrasiya məsələləri üzrə köməkçisi Erik Olson Ermənistan, Azərbaycan və Gürcüstana səfəri bu gün başlayır.

Axar.az xəbər verir ki, bu məlumatı ABŞ-ın Ermənistandakı səfirliyi yayıb. Məlumata görə, səfərdə əsas məqsəd regional tərəfdaşlığın stimullaşdırılması və ikitərəfli məsələlərin müzakirəsi olacaq.

Olsonun 2-4 noyabrda İrəvanda ABŞ-ın Cənubi Qafqaz regionundakı missiya rəhbərləriylə iclasda iştirak edəcəyi bildirilib. İclasa ABŞ-ın Ermənistan, Gürcüstan və Azərbaycandakı səfirlərinin, Qafqaz məsələləri ilə bağlı danışıqlar üzrə baş məsləhətçi Endryu Şofer və ABŞ Beynəlxalq İnkişaf Agentliyinin Vaşinqton ofisinin direktor müavini Aleksandr Sokolovskinin qatılacağı vurğulanıb.