Suriya Rusiyanın son qalası idi. Qərb onun Suriyada qalmasına imkan verməyəcək.

Axar.az xəbər verir ki, bu sözləri erməni ekspert Nubar Çalimyan yerli mediaya müsahibəsində bildirib.

O, Türkiyəyə Yaxın Şərqdə təsirini gücləndirmək imkanı “verildiyini” iddia edib:

“ABŞ Türkiyəyə kart-blanş verdi, lakin bu, Türkiyənin hər şeyə qərar verəcəyi anlamına gəlmir. İlk növbədə, Suriya Qərb oriyentasiyası götürəcək. Bəşər Əsəd isə Rusiyadadır və deyildiyi kimi, o, Rusiyadan humanitar yardım istəməyib. Bir xəbərə görə, Əsəd özü ilə 30 milyard ABŞ dolları aparıb (bəzi mənbələr daha çox olduğunu bildirir – red.), Suriyanın xəzinəsi isə tamamilə boşdur. Mənim fikrimcə, 30 milyard ABŞ dollarına Rusiyanın ehtiyacı var”.

Beynəlxalq ekspert Ermənistan-Rusiya münasibətlərinə toxunaraq, 2025-ci ildə böyük hadisələrin olacağını proqnozlaşdırıb:

“2025-də böyük hadisələr olacaq - təkcə KTMT-dən yox, həm də MDB-dən çıxmaq baxımından”.