İsrail Suriyadan gələn istənilən təhlükədən qorunmağa hazırdır, o, ölkənin cənubunun demilitarizasiyasını təmin edəcək və yerli druzları qoruyacaq.

Axar.az xəbər verir ki, bu barədə İsrailin müdafiə naziri İsrail Katz sosial şəbəkədə yazıb.

O, Latakiyadakı vəziyyətin gərginləşməsinə toxunub və bildirib ki, Suriyanın müvəqqəti prezidenti Əhməd əş-Şara əsl "terrorçu üzünü" göstərdi.

“Druz əhalisinə zərər verən hər kəs İsrailin cavabı ilə üzləşəcək”, - o vurğulayıb.

Qeyd edək ki, Latakiyada Əsədə bağlı olduğu deyilən qüvvələr (İranın dəstəklədiyi ələvilər - red.) hökumət qüvvələrinə 6 martda hücum edib. Suriya ordusu artıq üsyançıların ələ keçirdiyi şəhər və kəndləri gedi alıb, Əsəd tərəfdarlarının doğma şəhəri sayılan Qardahaya daxil olub.