Naxçıvan Muxtar Respublikasının Ali Məclisinin sədri Vasif Talıbov Azərbaycan Dövlət Musiqili Teatrının direktoru Əliqismət Lalayevə təbrik məktubu ünvanlayıb.

Axar.az xəbər verir ki, Əliqismət Lalayevin 60 yaşı münasibətilə yazılmış məktubda onun yaradıcılıq yolundan və direktoru olduğu teatrın uğurlu fəaliyyətindən bəhs olunub:

"Sizi 60 illik yubileyiniz münasibəti ilə səmimi-qəlbdən təbrik edirəm. Naxçıvan teatrında başladığınız, Azərbaycan Dövlət Musiqili Teatrında davam etdirdiyiniz yaradıcılıq yolu, istedadlı rejissor və aktyor kimi yaratdığınız obrazlar və teatr tamaşaları, milli mədəniyyətimizə həsr olunmuş oçerk və məqalələr tükənməz istedadınızın məhsuludur. Böyük zəhmətdən keçən mənalı həyatınızda bundan sonra da Sizə uğurlar arzulayıram".

Əməkdar incəsənət xadimi Əliqismət Lalayev də öz növbəsində Naxçıvan Muxtar Respublikasının Ali Məclisinin Sədri Vasif Talıbova təşəkkürünü bildirib.

Qeyd edək ki, Əliqismət Hümmət oğlu Lalayev 1956-cı il iyul ayının 4-də anadan olub.