Akademik Milli Dram Teatrında mövsümə "Qarabağnamə" tamaşası ilə yekun vurulacaq.

Teatrdan Axar.az-a verilən məlumata görə, xalq yazıçısı İlyas Əfəndiyevin "Hökmdar və qızı" əsəri əsasında hazırlanan tamaşanın quruluşçu rejissoru xalq artisti Mərahim Fərzəlibəyov, quruluşçu rəssamı İsmayıl Məmmədovdur.

Rolları xalq artistləri Rafiq Əzimov, Firəngiz Mütəllimova, Hacı İsmayılov, Ramiz Məlik, əməkdar artistlər Kazım Abdullayev, Elxan Quliyev, Əjdər Həmidov və digər aktyorlar ifa edirlər.

Tamaşa XVIII əsrdə Qarabağ xanlığının mərkəzi olan Şuşada baş verən tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.