C.Cabbarlı adına İrəvan Dövlət Azərbaycan Dram Teatrında hazırlanmış “Ürəyində arzu tut” tamaşasının premyerasının məkanı dəyişdirilib.

Bu barədə Kult.az-a teatrın mətbuat katibi Teymur Bayramov məlumat verib. O bildirib ki şair, yazıçı Sevinc Elsevərin Xocalı soyqırımı faciəsinə həsr olunmuş “Ürəyində arzu tut” pyesi əsasında hazırlanan yeni tamaşanın premyerası iyulun 3-də Gəncədə baş tutacaq.

Qeyd edək ki, Mədəniyyət Nazirliyinin təşəbbüsü, regional mədəniyyət idarələrinin təşkilatçılığı ilə teatrın kollektivi 11-12 iyul tarixlərində sözügedən tamaşa ilə Sabirabad və Şəkidə qastrol səfərində olacaq.