Axar.az
Yuxarı

Bu teatrdan tamaşaçılara müraciət: Hazırıq!

Ana səhifə Kult Teatr
12 Punto 14 Punto 16 Punto 18 Punto

Gənc Tamaşaçılar Teatrı sənətsevərlərə müraciət edib.

Teatrdan Kult.az-a verilən məlumatda bildirilir ki, sentyabr ayında yeni mövsüm və təzə səhnə əsərlərilə, maraqlı layihələrlə tamaşaçıların görüşünə gələn sənət məbədləri hələ də gözləmə mövqeyindədir.

Müraciətdə qeyd olunur ki, mövcud şərait, dünyanı cənginə alan koronavirus infeksiyasının yaratdığı məhdudiyyətlər teatr zallarını boş, sənət adamlarını işindən, tamaşaçısından uzaq qoyub:

"Artıq dünya bu ümumbəşəri bəla ilə mübarizə üsulları tapdığı üçün tezliklə qapılarımızı sənətsevərlərin üzünə açacağımıza və rəngarəng tamaşalar təqdim edəcəyimizə inanırıq. Əgər ölkə əhalisinin böyük bir qismi infeksiya əleyhinə artıq vaksin olunubsa və müəyyən şərtlər daxilində təhsilin, kütləvi tədbirlərin bərpası haqqında düşünülürsə, biz də öz növbəmizdə bütün qoyulan tələblərə uyğun fəaliyyət göstərməyə hazırıq".

"Bütün bu müddət ərzində biz virtual məkandan istifadə edərək gündəmdən düşməməyə çalışdıq, sevilən səhnə əsərlərimizin unudulmaması üçün çaba göstərdik. 44 günlük Zəfər mübarizəmizə öz qatqımız olması üçün bu mövzuda müxtəlif online layihələr, videoçarxlar hazırladıq. Amma hər kəsə bəllidir ki, teatr canlı sənətdir və bizlərdən ötrü tamaşaçı ilə ünsiyyət çox vacibdir. Ümidvarıq ki, Operativ Qərargah tezliklə teatrların fəaliyyəti ilə bağlı müsbət qərarını, qaydalarını elan edəcək və biz mövsümün açılışı haqqında xəbəri sevə-sevə paylaşacağıq. Bütün dövrlərdə, bütün məhrumiyyətlərə və çətinliklərə baxmayaraq, teatr yaşayıb, yaşayacaq!", - məlumatda vurğulanır.

Tarix
2021.09.06 / 20:30
Müəllif
Kult.az
Şərhlər
Digər xəbərlər

Azərbaycanın ən gözəl aktrisası... - Foto

“Azərbaycan Opera İnciləri” filmi təqdim edildi

Pandemiya şəraitində ilk tamaşa nümayiş olundu

Teatrlar nə vaxt fəaliyyətini bərpa edəcək?

Millət vəkili pantomim aktyorumuzu təbrik etdi – Foto

"Bu şəhərdə" Mir Şahini parodiya etdi - Foto

“Bu şəhərdə” Ramin Bayramlını parodiya etdi - Video

Türkiyə korona peyvəndinin istehsalına başladı

Axundovun ömrünü 10 il “uzadan” xəbər...

“Yuğ”da “Şok” olacaq

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla