Səməd Vurğun adına Rus Dram Teatrının direktoru Ədalət Hacıyev və baş rejissor Aleksandr Şarovski Rus Teatrlarının Ümumdünya Konqresində iştirak edirlər.

Teatrdan Axar.az-a verilən məlumata görə, tədbirə müxtəlif ölkələrdə fəaliyyət göstərən rus teatrlarının bədii rəhbərləri və direktorları, görkəmli mədəniyyət xadimləri dəvət olunub.

Bu səfər son 5 il ərzində Səməd Vurğun adına Rus Dram Teatrının Qriboyedov adına Tbilisi Akademik Rus Dram Teatrının kollektivləri arasında yaradılan dostluq və yaradıcılıq əlaqələrinin davamıdır. Yubiley gecəsində Rus Dram Teatrının rəhbərliyi Mədəniyyət və Turizm naziri Əbülfəs Qarayevin adından təbrik məktubu oxuyacaq.

Qeyd edək ki, "Rus klubu" Beynəlxalq Mədəni-Maarif İttifaqının dəstəyi ilə A.Qriboyedov adına Akademik Rus Dram Teatrının Tiflisdə keçirilən yubiley şənlikləri və Rus Teatrlarının Ümumdünya Konqresi oktyabrın 26-dan 30-dək keçiriləcək. Qriboyedov adına teatrın 170 illiyinə həsr olunmuş konqresin proqramına dəyirmi masalar, aktual mövzularda yaradıcılıq görüşləri, açıq mühazirələr, müasir rus teatrının problemləri daxildir.