Akademik Milli Dram Teatrında məktəblilərin payız tətili günlərində maraqlı tamaşalar nümayiş olunur.

Teatrın mətbuat xidmətindən Axar.az-a verilən məlumata görə, repertuarda orta məktəblərdə tədris olunan dramaturgiya nümunələrinə yer verilib. Teatrın kollektivi tətil günlərində "Nağıllar aləmində", "Anamın kitabı", "Biri var idi, biri yox", "Qaraca qız" tamaşaları ilə məktəblilər qarşısında çıxış etməkdə davam edir.

Folklor nümunələri əsasında hazırlanmış "Nağıllar aləmində" tamaşasının bədii rəhbəri İsrafil İsrafilov, quruluşçu rejissoru xalq artisti Bəsti Cəfərovadır.

"Anamın kitabı" tamaşasının quruluşçu rejissoru H.Ərəblinski adına Sumqayıt Dövlət Musiqili Dram Teatrının baş rejissoru Firudin Məhərrəmovdur.