Həyat elə gətirdi ki, mən teatrı yox, efiri seçdim.

Bu sözləri aktyor Nicat Rəhimov tamaşalarda rol almaması və teatr sahəsində fəaliyyət göstərməməsi haqda Axar.az-a danışarkən deyib:

"Əslinə qalsa, mən musiqili komediya aktyoruyam. Amma həyat elə gətirdi ki, mən teatrı yox, efiri seçdim. Universitet vaxtı Tədris Teatrında çıxış etmişəm. Buna baxmayaraq, teatrı seçmədim. Çünki bilirsiniz, teatr aktyorluğu bir az başqadır. Düzdür, teatr aktyoru olmaq mənə çətin gəlmir, amma burada aktyorun vaxtı gedir, ona görə də həm efirdə, həm teatrda işləmək olmur.

Əslində, keçən il Musiqili Komediya Teatrında işləməli idim. Teatrın rəhbəri Əliqismət Lalayev məni teatra dəvət etmişdi. Getdim danışdıq, sonra gördüm ki, yox, vaxt baxımından heç cür alınmır".