Aprel ayında Səməd Vurğun adına Rus Dram Teatrında "Kazanova: sevgi dərsləri" tamaşasının premyerası olacaq.

Teatrdan Axar.az-a verilən məlumata görə, Kazanova obrazını Rus Dram Teatrının səhnəsində ilk dəfə Azərbaycanın xalq artisti Fəxrəddin Manafov ifa edəcək.

Tamaşanın quruluşçu rejissoru və musiqi tərtibatçısı İlqar Safat, quruluşçu rəssamı Mustafa Mustafayevdir. Tamaşada xalq artisti Yuri Baliyev, əməkdar artist Firdovsi Atakişiyev çıxış edəcək.

Digər obrazları Rus Dram Teatrının aktyorları Murad Məmmədov, Yuri Omelçenko, Yaroslav Trifonov, Rüfət Nəzərov, Boris Brodskiy, Olqa Arsenteva, Tamilla Abutalıbova, Olesiya Qasımova, Fəridə Nesterenko, Maya Vorobjanskaya, Fatimə Əliyeva və Zümrüd Əliyeva ifa edəcək. Əsərin müəllifləri Viktor Korkiya və Aleksandr Lavrindir.

Xatırladaq ki, bir müddət əvvəl Fəxrəddin Manafovun Akademik Milli Dram Teatrında səhnələşdiriləcək "Cəhənnəm sakinləri" adlı tamaşada oynayacağı barədə məlumat yayılsa da teatrının mətbuat xidmətindən repertuarda belə bir tamaşanın olmadığı barədə xəbər verilmişdi.