11:46

Türkiyəli məşhur aktyor və teleaparıcı Kənan İşıq vəfat edib.

Axar.az xəbər verir ki, bu barədə Beşiktaş bələdiyyəsinin sədri Murad Xəzinadar şəxsi Tvitter səhifəsində məlumat verib:

"Dəyərli teatr sənətçimiz Kənan İşığı itirdik. Onu həmişə gülən üzü ilə xatırlayacağıq. Məkanı cənnət olsun".

Xatırladaq ki, Kənan İşıq 2014-cü ilin mart ayında idman salonunda saunadan çıxarkən ayağının sürüşməsi nəticəsində yıxılaraq başını zədələmişdi. Əməliyyatdan sonra uzun müddətdir müalicəsi evində davam etdirilirdi.

21:25

Beşiktaş bələdiyyə sədrinin aktyor və teleaparıcı Kənan İşığın vəfatı ilə bağlı etdiyi paylaşımdan sonra mətbuat aktyorun ölüm xəbərlərini yaymağa başlayıb.

Axar.az xəbər verir ki, "Hürriyyət" qəzeti bu hadisədən sonra İşıqın ailə üzvləri və yaxınları ilə əlaqə saxlayıb.

Verilən məlumata görə, aktyor sağdır və səhhətində xüsusi bir dəyişiklik yoxdur.