Bu gün də onu böyük məhəbbətlə xatırlayıram.

Axar.az xəbər verir ki, bu sözləri xalq artisti Amaliya Pənahova mərhum həyat yoldaşı haqda "Geriyə baxanda" verilişində danışarkən deyib. O, yoldaşı üçün darıxdığını bildirib:

"Yusiflə 45 il birlikdə olduq, amma bədxahlar çox idi. Onun da, mənim də tərəfimdən aramızı vurmağa, bizi ayırmağa çalışanlar çox oldu. Məni bütün məişət qayğılarından azad etmişdi, istəyirdi səhnədə olum. Bu gün də onu böyük məhəbbət, hörmət hissi ilə xatırlayıram. Övladlarımıza gözəl tərbiyə verib. Mən evdə həmişə kişinin üstünlüyünə önəm vermişəm. Alçaldılmış kişi ilə eyni tavan altında qalmazdım. Səhnədə lider ola bilərəm, amma evdə xanım idim".