Bu gün Beynəlxalq Teatr Günüdür.

Axar.az xatırladır ki, Beynəlxalq Teatr İnstitutunun 1961-ci ildə Vyanada keçirilmiş IX konqresində qəbul edilmiş qərara əsasən, hər il 27 mart dünyada Beynəlxalq Teatr Günü kimi qeyd olunur.

Bu gün münasibətilə nüfuzlu incəsənət xadimləri dünya ictimaiyyətinə müraciət edirlər. Bu ənənənin əsasını qoyan və ilk dəfə dünya ictimaiyyətinə müraciət edən şəxs fransalı yazıçı Jan Kokto (1962-ci il) olub.

Bu il isə rus rejissor, Dram Sənəti Məktəbinin təsisçisi, Rusiyanın əməkdar incəsənət xadimi Anatoli Vasilyev bütün dünyaya müraciət ünvanlayıb.

Qeyd edək ki, milli teatr tarixi 1873-cü ildən başlanan Azərbaycanda da Beynəlxalq Teatr Günü münasibətilə silsilə tədbirlər keçirilir.