Ruhəngiz Qasımovanın əsəri var: "Qonşu qonşu olsa". Təqribən, 3 il mənə dedi ki, axı sən bu əsəri bəyənirsən, niyə qoymursan onu tamaşaya?

Bu sözləri Azərbaycan Respublikasının xalq artisti, rejissor Ramiz Həsənoğlu bənzərsiz aktyorlarımız barəsində "Sevilənlər" verilişində danışarkən deyib. O, böyük aktyorumuz Yaşar Nurinin bir tamaşada 13 fərqli personajı canlandırmasından bəhs edib:

"Mən də dedim ki, bu əsərdə 13 personaj var, hamısı da bir-birindən yaxşı personajlar. Mən haradan 13 ustad aktyor tapım? Yoxdur o qədər aktyor. Və günlərin bir günü, fikir verdim ki, bu 13 personaj bir-biri ilə əlaqəlidir. Ağlıma gəldi ki, 13 personajı bir aktyor canlandırsın. Və Yaşar Nuri "Qonşu qonşu olsa" televiziya tamaşasında 13 personajı oynadı"