9-26 may tarixlərində İtaliyanın Trani şəhərindəki "Kastello Svevo di Trani" qalasında keçirilən "Shakespeare in the Castle" (Şekspir Qalada) adlı festival çərçivəsində ötən gün xalq yazıçısı Elçinin "Şekspir" pyesinin İtaliya premyerası təqdim edilib.

Axar.az xəbər verir ki, pyesin quruluşçu rejissoru Patrizia Di Fulvio, festivalın rəhbəri tanınmış rejissor Cianpyero Borgiyadır. Əsər italyan dilinə Marqarita Kristiana tərəfindən tərcümə olunub. Tamaşada Cuido Silver, Kastellano Cianluka, Françesko Persiko və digər aktyorlar iştirak edib.

Qeyd edək ki, Elçinin "Şekspir" pyesi dünyanın bir çox ölkələrində, o cümlədən İngiltərə, ABŞ, Türkiyə, Rusiya və digər ölkələrdə səhnəyə qoyulub.