Təzə Pir məscidində yuyucuxanalardan istifadə qiymətləri yayılıb.

Axar.az xəbər verir ki, sosial şəbəkə istifadəçilərindən birinin paylaşdığı elanda məscidin xidmətləri yer alıb.

Məsciddə mərhumun (mərhumənin) yuyulması 50 AZN-dir. Bura kəfən istifadəsi, sitir kafur, pambıq və kommunal xərclər daxildir.

Meyitxanada fəaliyyət göstərən meyit saxlama kamerasının bir günlük xərci isə 20 manatdır.

Elanda cənazə namazının pulsuz olduğu qeyd edilib.

Qeyd edək ki, Dini Qurumlarla İş üzrə Dövlət Komitəsi Nazirlər Kabinetinə təqdim etdiyi "Məzar yerləri və məzarlıqlar haqqında" qərar layihəsində dəfn xərclərinin dəfn üçün müavinətin məbləğindən artıq olmamasını təklif edib.

Buraya torpağın ayrılması, qəbrin qazılması, dəfn olunma və abidənin qoyulmasından ibarətdir. Əgər vəfat etmiş şəxsin iş yeri varsa, dəfn pulu dediyimiz vəsait onun iş yerindən verilir. Əgər ölən təqaüdçüdürsə, həmin vəsait Əmək və Əhalinin Sosial Müdafiəsi Nazirliyi tərəfindən ödənilir. Təklifdə torpağın pulsuz olması nəzərdə tutulub.