10:27

Şəki bazarında sübh çağı yanğın hadisəsi baş verib.

Axar.az xəbər verir ki, "ARB Şəki" səhər saatlarında başlayan yanğının qısa müddətdə böyük əraziyə yayıldığını bildirir. Yanğını söndürmək üçün dərhal hadisə yerinə Şəki DYMH-nin canlı qüvvəsi və texnikası ilə yanaşı, Qax və Evlax rayonlarından da DYMH-nin yanğınsöndürənləri cəlb olunub.

***

Fövqəladə Hallar Nazirliyi (FHN) Şəki bazarında baş vermiş yanğınla bağlı məlumat yayıb.

Məlumatda qeyd olunub ki, Şəki şəhərində ümumi sahəsi 2 ha olan Şəki Bazar ASC-nin ərazisində 90 ədəd bir-birinə bitişik geyim əşyaları satışı konteynerləri və 20 ədəd satış piştaxtalarının yanar konstruksiyaları və içərisində olan mallar 1200 m2 sahədə yanıb.

Bazarın qalan hissəsi yanğından mühafizə olunub. Yanğın saat 08:40-da yanğınsöndürənlər tərəfindən söndürülüb.

Faktla bağlı FHN-nin Şəki rayon DYMH-də araşdırma aparılır.