Xəbər verdiyimiz kimi, tanınmış jurnalist Əvəz Zeynallı bu gün vəfat edib.

Kult.az xəbər verir ki, Ə.Zeynallı ötən gün sosial media hesabında paylaşdığı son mesajda bunları yazmışdı:

“Əziz Dostlar, Qardaşlar, Analar, Atalar, uca və Böyük millətim!

Bir neçə gündür ki, telefonlara çıxa, səsinizi eşidə, Sizə cavab verə, heç bir şeyə reaksiya göstərə bilmirəm. Ümid edirəm ki, yenidən hər şey yoluna düşər və hər zamankı münasibətlətimiz də yoluna qayıdar. Bu insan selinə və ziyarətimə gələn səmimi insanların böyük sevgilərinə görə, yanımda olan, yazan, kampaniyalar aparan dünyanın hər yerindəki Qardaşlarıma, ziyalılara, dəyərli elm adamlarına - Böyük Xalqımıza dərindən təşəkkür edirəm!

Sizə görə varam və Səni Sevirəm, Azərbaycan!”