13:34

Ölkənin ən böyük xəbər portallarından olan Musavat.com saytında problemlər yaranıb.

Axar.az xəbər verir ki, bu gün səhər saatlarından sayta daxil olmaq mümkün olmayıb.

Sayt rəhbəriyi problemin Avropadan qaynaqlandığını bildirib və bu barədə elan yerləşdirib. Elanda qeyd olunur:

“Hörmətli Musavat.com oxucuları! Avropada yaşanan problem səbəbindən Azərbaycanın, eləcə də Avropanın bir çox saytları, o cümlədən də Musavat.com saytı açılmır. Bu, son 10 ilin ən ciddi hadisəsidir. RBX SBG GRA LIM ERI Data Centrlər şöküb. Bizim server də bu DATA Centrlərdən birində yerləşir. Problem indiyədək rastlaşmadığımız tipdəndir. Yaxın saatlarda əlavə məlumat verəcəyik”.

***

Yaranmış problem aradan qalxdı və xəbər portallarına, o cümlədən Musavat.com-a giriş bərpa olundu.