Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
24 İyun 2018


Azərbaycanda küçənin ortasında döyülən azyaşlılar

Ana səhifə Toplum
12 Punto 14 Punto 16 Punto 18 Punto

"Uşaqların döyülməsi cəza sistemində ən sonuncu variantdır".

Bu sözləri Axar.az-a açıqlamasında psixoloq Günel Məhərrəmli Uşaqların ictimaiyyət arasında döyülməsinə münasibət bildirərkən deyib.

Onun sözlərinə görə, valideyn uşağa hansı hərəkətindən dolayı hansı cəza növünü tətbiq etməli olduğunu bilməlidir:

"Elə uşaqlar olur ki, ondan hansısa bir hərəkəti tələb etmək düzgün deyil. Bu kateqoriyaya sindromlu, diqqət yayınması yaşayan və digər bu tipdə olan uşaqlar daxildirlər. Uşaqlara təzyiq təsirsiz ötüşmür. Xüsusən bu ictimaiyyət arasında, nəqliyyatda, küçə və parklarda valideyni tərəfindən sərt cəzalandırılaraq döyülən uşaqlara aiddir. Yaxşı olar ki, valideyn uşağı təklikdə başa salsın. Avtoritet, sərt valideynlər vardır ki, onlar uşağı küçənin ortasında döyməklə tərbiyə etməyə çalışırlar. Çünki belə valideyn düşünür ki, bu, daha effektli olacaq, ancaq onlar yanılırlar. Praktikamızda dəfələrlə uşaqların məktəbdə öz valideyni tərəfindən sinif qarşısında döyüldüyünün, bağçada öz yaşıdları önündə necə sərt şəkildə cəzalandıqlarının şahidi olmuşuq. Bu, sonradan həmin uşaqların psixologiyasında ciddi fəsadlara yol açır ki, sonradan cəmiyyətdə pis vərdişə yiyələnən, problemli insanlar da məhz bu üzdən xəstə insanlara çevrilirlər".

Psixoloqun sözlərinə görə, bəzən uşaqlar hansısa bir hərəkəti valideynin ona qarşı diqqət göstərməsi üçün də edə bilərlər. Azərbaycanda valideynlərin uşaqların tərbiyəsində maariflənməsi çox zəifdir: "Məsələn, tik xəstəliyinə mübtəla olan uşaqlar var ki, hər hansı bir hərəkəti təkrarlayırlar (göz qırpmaq və s.), bu da nevroloji xəstəlikdir. Bundan başqa kleptomaniya xəstəliyi var - uşaqlar oğurluq edirlər. Əslində, oğurlanan əşya heç həmin uşağa lazım da deyil. Vaildeynin ifrat tərbiyə üsulundan istifadəyə üz tutaraq "gərək bu uşağın əlini yandıram ki, bir daha bu hərəkəti təkrarlamasın" kimi tərbiyə üsulu isə cəfəngiyyatdır. Bu cür uşaqlar psixoterapevtə aparılmalıdır. Çünki bu, psixoloji pozğunluqdur. Bəzən elə halların şahidi oluruq ki, valideyn uşağa guya yalan danışmamağı öyrədir, ancaq özü uşağın gözü önündə yalan danışır. Bütün bunları aşmağın bir yolu var ki, o da uşaqları anlamaqdır. Uşaqların müəyyən yaş dövründə dayanmadan suallar verməsi, qısqanclıq, yalan danışma, yeniyetməlik dövründə özünü böyük kimi göstərmə hallarını yaş dövrünə görə krizis halları da hesab etmək olar. Bu isə keçicidir.

Bəzən psixoloqa öz uşaqlarından şikayət edən valideynlər düşünmürlər ki, bu uşağın xarakteri ilə də bağlı ola bilər. Buna da elmdə "irsiyyət amili" deyirlər ki, uşaq xasiyyətində də kiməsə çəkə bilər. Əsas çıxış yolu valideynlərin uşağı nə zaman psixoloqa, nə zaman nevropatoloqa aparması və nə zaman da problemin həlli ilə özünün məşğul ola bilməsi, düzgün maariflənmənin olmasıdır.

Tarix
2014.08.15 / 21:18
Müəllif
Aygün Yusibova
Şərhlər
Загрузка...
Digər xəbərlər

“Türk ulduzları” Bakıda - Foto

Yavər Camalov dəfn edildi - Foto

Sabah 38 dərəcə isti olacaq

İran Azərbaycan münasibətlərini kimlər pozur – Şok faktlar

Xırdalanda ev yandı: 3 azyaşlı uşaq...

Həsən Azərbaycan vəfat etdi

Aviasiyamız Bakı səmasında növbəti uçuşlarına başladı

Ermənilər cəbhə xəttini atəşə tutdu

Magistratura üçün müsabiqənin nəticələri

17 tona yaxın xaş-xaş və çətənə kolu məhv edildi

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla