11:40

Bu gün səhər saatlarında adını açıqlamayan bir nəfər Bizimyol.info-nun redaksiyasına zəng edərək az sonra özünü "Koroğlu" dairəsindəki asma körpüdən atacağını bildirib.

İntihar etmək istəyən şəxs icra hakimiyyəti ilə problemlərinin olduğunu deyib. Saytın əməkdaşı onu problemlərinin həll olunacağına inandırmağa çalışaraq fikrindən daşındırmaq istəyib.

Həmin şəxs isə körpünün ən yüksək nöqtəsində olduğunu bildirirərək, Qənirə Paşayevayanın hadisə yerinə gəlməsini istəyib.

Xatırladaq ki, Koroğlu dairəsindəki körpü artıq bir neçə dəfə belə intihar cəhdlərinin məkanı rolunda çıxış edib. Maraqlıdır ki. özlərinə diqqət çəkmək istəyənlər asma körpünün dəmir konstruksiyalı hissəsinə çıxıb, millət vəkili Qənirə Paşayevanı çağırırlar.

***

Hazırda hadisə yerində FHN-in xilasetmə briqadası işləyir. Onlar intihara cəhd edən şəxsi fikrindən daşındırmağa çalışırlar.