Avstraliyada Azərbaycan diaspor təşkilatları Qarabağ həqiqətlərinin təbliğində fəaliyyətlərini daha da genişləndirəcək.

Axar.az xəbər verir ki, bu barədə millət vəkili Qənirə Paşayeva Avstraliyada Azərbaycan və Türkiyə diaspor təşkilatları ilə görüşü zamanı bildirib.

Görüşdə Avstraliyada fəaliyyət göstərən Azərbaycan və türk diaspor təşkilatlarının rəhbərləri, üzvləri iştirak ediblər.

Azərbaycan və Türkiyə həqiqətlərinin Avstraliya ictimaiyyətinin diqqətinə daha geniş şəkildə çatdırılması üçün hər iki ölkənin diaspora təşkilatlarının üzərinə düşən vəzifələrə toxunan millət vəkili, bu işdə birgə hərəkət etmənin vacibliyini xüsusilə qeyd edib.