Millət vəkili Qənirə Paşayeva Avstraliyada Cənubi Afrika Respublikasının Turizm nazirinin müavini Elizabet Tabete, İtaliyanın bir sıra rəsmiləri, Avstraliyanın şirkət rəhbərləri, “Emergent” şirkətinin baş direktoru Holli Ransom və “Pantera Press” şirkətinin təsisçisi, baş direktoru Alison Qrin ilə mühüm görüşlər keçirib.

Axar.az xəbər verir ki, görüşlərdə Cənubi Afrika Respublikası, İtaliya və Avstraliyanın nüfuzlu qadınlarının Azərbaycanla əməkdaşlıqda maraqlı olması haqda müzakirələr aparılıb.

Şirkət rəhbərlərinə və rəsmilərə Azərbaycanın tarixi, mədəniyyəti, inkişafı, iqtisadi imkanları barədə geniş məlumatlar verilib.

Q.Paşayeva tədbir iştirakçılarına Azərbaycanda qaçqın və məcburi köçkünlərin, qadın və uşaqların problemlərinin həlli istiqamətində görülən işlər barədə də danışıb.