Ana səhifə Toplum |
Votsap mobil əlavəsində bir sıra qida məhsullarının keyfiyyətsiz və insan sağlamlığı üçün təhlükəli olması barədə reallığı əks etdirməyən əsassız məlumatlar yayılıb. Faktlara əsaslanmayan bu tip məsuliyyətsiz məlumatlar insanlar arasında təşviş və çaşqınlığa səbəb olur.
Axar.az xəbər verir ki, bu barədə məlumatı Qida Təhlükəsizliyi Agentliyi yayıb. Agentlik bildirib ki, hazırda idxal olunan və ölkədə istehsal olunan qida məhsullarına AQTA tərəfindən nəzarət həyata keçirilir və aparılan nəzarət tədbirləri çərçivəsində hər hansı nöqsanlar aşkar olunarsa, bununla bağlı dərhal müvafiq tədbirlər görülür.
Agentlik insanlar arasında çaşqınlıq və təşviş yaradan bu tip əsassız məlumatları yayan şəxslər barəsində qanunda nəzərdə tutulmuş qaydada ciddi tədbirlər həyata keçiriləcəyini bildirib.
Qeyd edək ki, Votsapda xeyli sayda qida məhsullarının zərəli olması və onlarda vərəm çöpü aşkarlanması ilə bağlı səsyazma yayılıb.
Səsyazmanın zarafat olduğunu sezmək o qədər də çətin deyil.
Tarix
2018.09.25 / 16:05
|
Müəllif
Nərmin Əkbərli
|