Ana səhifə Toplum |
2019.01.11, 13:42
Azercell Telecom MMC SMS tariflərinin 2 dəfə artırılması ilə bağlı yayılan məlumatlara aydınlıq gətirib.
Şirkətin Korporativ Ünsiyyət şöbəsinin rəhbəri Nigar Şıxlinskaya Axar.az-a açıqlamasında bildirib ki, şirkətin fəaliyyətinə aid məlumatların təhrif olunmuş şəkildə oxuculara çatdırılması Azercell Telecom şirkətinin nüfuzuna xələl gətirmək, insanlarda şirkət haqda mənfi rəy formalaşdırmaq cəhdi təəssüratını yaradır.
“Qeyd edilən dəyişiklik 12.02.2019-cu il tarixindən etibarən qüvvəyə minəcək və qanunvericiliyə əsasən dəyişiklik barədə məlumat abunəçilərimiz üçün müvafiq olaraq 30 təqvim günündən əvvəl yayımlanıb.
“Azercell Telecom bu ilin əvvəlindən rominqdə istifadə edilən interneti də 80% bahalaşdırıb” – şəklində qeyd edilən məlumat da təhrif olunub. 10.01.2019-cu il tarixindən etibarən yalnız Gürcüstan və Türkiyə ölkələrində Fakturasız xətt nömrələri üçün rominqdə internet istifadəsinin tarifi bir MB görə ƏDV daxil 0.55 AZN-dən ƏDV daxil 0.99 AZN-ə obyektiv səbəblərə görə dəyişdirilib. Lakin həmin yeni tariflər Gürcüstan və Türkiyə ölkələrində analoji xidmətlər ilə bağlı bazarda tətbiq edilən tariflərdən xeyli azdır”, – N.Şıxlinskaya bildirib.
Tarix
2019.01.12 / 11:56
|
Müəllif
Axar.az
|