Ana səhifə Toplum |
Qarabağ separatçılarının rəhbəri Bako Saakyan müşaviri Araik Arutyunyanı vəzifəsindən azad edib.
Axar.az xəbər verir ki, bu barədə separatçı qurum məlumat yayıb.
Qeyd edək ki, Araik Arutyunyan separatçılar arasında nüfuzlu şəxslərdən biri sayılır. O, bundan əvvəl qondarma rejimin “baş naziri” vəzifəsini tutub. Ermənistanda baş verən hakimiyyət dəyişikliyindən sonra Arutyunyan səssiz mövqe tutub və Paşinyan hökumətinə qarşı heç bir sərt ittiham səsləndirməyib. Məhz bu amilə görə sonradan hökumətə yaxın mətbuat Arutyunyanın qondarma rejimə Saakyanın yerinə rəhbər gətiriləcəyi haqqında məlumat yayıb.
Maraqlı məqam odur ki, hazırkı separatçı rejim daxilində hakimiyyət uğrunda mübarizə Köçəryan və Paşinyanın dəstəklədiyi simalar arasında aparılır. Belə ki, bu mübarizədə Köçəryanın klanı Vitali Balasanyanı, Paşinyan isə Arutyunyanı dəstəkləyir.
Tarix
2019.02.21 / 13:19
|
Müəllif
İlkin Həsənov
|