Ötən gün Binəqədi rayonu Biləcəri qəsəbəsində binanın zirzəmisində yaşayan və səfil həyat sürən qadının qızınmaq üçün qaladığı alov nəzarətdən çıxaraq bloku tüstüyə bürüyüb.

Axar.az Xəzər xəbər-ə istinadən xəbər verir ki, Biləcəri qəsəbəsinin Asəf Zeynallı küçəsində yerləşən bina sakinlərinin köməyinə yanğınsöndürənlər yetişiblər. Zirzəmidə qalanan ocağın nəzarətdən çıxdığını görən qadın ərazidən uzaqlaşıb.

Sakinlərin verdikləri məlumata görə, qadın isinmək üçün zirzəmidə tez-tez ocaq qalayır, bəzən özü kimi səfil həyat sürənlər də onunla burada qalırlar.

Yanğın baş verən zaman Binəqədi rayon Polis İdarəsi və 6-cı polis bölməsinin əməkdaşları da əraziyə gəlib və lazımi ölçü götürüləcəyini bildiriblər.