Quba şəhərində və ətraf kəndlərdə müəllim qıtlığı var.

Axar.az xəbər verir ki, əsasən rayondan 20 km aralıda yerləşən və bu il istifadəyə verilən Küpçal kənd orta məktəbində ixtisaslı müəllim yoxdur. 95 şagirdin təhsil aldığı məktəbdə vəziyyət o qədər acınacaqlıdır ki, coğrafiya, musiqi və texnalogiya fənnləri qeyri-ixtisas müəllimləri tərəfindən tədris olunur. Məktəbin direktoru Mömin Əliyev bildirir ki, məktəbdə bəzi fənnlərin tədrisi qonşu kəndlərdən gələn müəllimlər hesabına həyata keçirilir.

Xatırladaq ki, bu tədris ilində Qubaya 106 müəllim təyinat alıb ki, onlardan da 86 nəfəri hazırda pedaqoji fəaliyyətlə məşğuldur. Digər 20 müəllim isə rayonda işləməkdən imtina edib. 137 məktəbin olduğu rayonda 127 ixtisas müəlliminə ehtiyac var. Onların arasında fizika, kimiya, biologiya,coğrafiya fənnlərini tədris edəcək şəxlər üstünlük təşkil edir.

Hazırda Quba rayonunun ümumtəhsil məktəblərində 2733 müəllim var.