Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Noyabr 2019


Vilayət Eyvazov İsrail nümayəndə heyətilə görüşdü

Ana səhifə Toplum
12 Punto 14 Punto 16 Punto 18 Punto

Daxili İşlər naziri, general-polkovnik Vilayət Eyvazov ölkədə səfərdə olan İsrail Dövlətinin Müdafiə Nazirliyinin Departament direktoru Yair Kulasın başçılıq etdiyi nümayəndə heyətini qəbul edib.

DİN-dən Axar.az-a verilən məlumata görə, nazir xalqlar arasında əlaqələrin dərin qatlara və qədim tarixə malik olduğunu, dünyada multikultural dəyərlərin hökm sürdüyü ölkə kimi tanınan respublikamızda müxtəlif millətlərin, o cümlədən yəhudilərin əsrlər boyu tolerant mühitdə, dostluq və mehribanlıq, təhlükəsizlik şəraitində yaşadıqlarını, ikitərfəli münasibətlərin qurulmasında ulu öndər Heydər Əliyevin önəmli rolunu, Azərbaycan Prezidenti İlham Əliyevin və İsrail Dövləti rəhbərliyinin siyasi iradəsi nəticəsində bu əməkdaşlığın daha da dərinləşdiyini diqqətə çatdırıb.

Son illər polis əməkdaşlarının və Daxili Qoşunların hərbi qulluqçularının hər iki ölkədə keçirilən müxtəlif təlim və treninqlərə cəlb edildiklərini, öz peşəkarlıqlarını və ixtisaslarını daha da artırdıqlarını xatırladan general-polkovnik Vilayət Eyvazov İsrailin aidiyyatı strukturları ilə işgüzar əlaqələrə malik olduğumuzu nəzərə çatdırıb, o cümlədən Daxili İşlər nazirlikləri səviyyəsində bu əlaqələrin genişləndirilməsi məqsədilə “Azərbaycan Respublikasının Hökuməti ilə İsrail Dövlətinin Hökuməti arasında daxili və ictimai təhlükəsizlik məsələlərində əməkdaşlıq haqqında Saziş" layihəsinin razılaşdırılması istiqamətində səylərin davam etdirildiyini vurğulayıb.

İsraildə bir neçə dəfə olduğunu, sonuncu dəfə üç il öncə Təl-Əviv şəhərində təşkil olunmuş beynəlxalq konfrans və sərgidə iştirakını məmnunluqla xatırladan nazir V.Eyvazov səfər çərçivəsində bir çox rəsmilər və müxtəlif qurumların nümayəndələri ilə keçirilən görüşlərin, müzakirə olunan məsələlərin, aparılmış fikir mübadiləsinin onda böyük maraq və xoş təəssürat doğurduğundan söz açıb. Cinayətkarlıqla mübarizə və ictimai təhlükəsizliyin təminində İsrailin hüquq-mühafizə orqanlarının təcrübəsinin öyrənilməsinin çox faydalı olduğu, yəhudi dövlətində uzun müddətdir fəaliyyət göstərən ən müasir texnologiyaların, o cümlədən “Təhlükəsiz şəhər” sisteminin respublikamızda da uğurlu tətbiqi qeyd olunub.

Nazir qeyd edib ki, nəinki MDB məkanında, Şərqi Avropada da ən sabit, təhlükəsiz dövlətlərdən biri kimi tanınan Azərbaycanda ictimai-siyasi stabillikdən, əlverişli kriminogen durumdan respublikanın vətəndaşları ilə bərabər, ölkəmizə gələn əcnəbilər, burada yaşayaraq çalışan iş adamları, turistlər də yararlanırlar.

Problemlərə toxunarkən Daxili İşlər naziri transmilli mütəşəkkil cinayətkarlığın əsas növlərindən olan narkotik vasitələrin qanunsuz dövriyyəsinin narahatlıq doğurduğunu, bu növ cinayətlərə qarşı yalnız birgə səylərlə səmərəli mübarizə aparılmasının mümkünlüyünü nəzərə çatdırıb.

Ölkəmizə ilk dəfə gəldiyini, səmimi qəbula və ətraflı məlumata görə təşəkkürünü bildirən Yair Kulas Bakının gözəlliyinin və müasirliyinin onda böyük təəssürat oyatmasından, hər iki ölkənin müvafiq qurumları arasında işgüzar əlaqələrin inkişafından, Azərbaycanda yaradılmış tolerantlıq mühitindən razılığını ifadə edib.

Qonaq həmçinin ölkəmizdə ictimai asayişin, sabitliyin yüksək səviyyədə qorunmasının əyani təzahürü kimi son zamanlar İsrail vətəndaşlarının da ölkəmizə ziyarətlərinin artmasının ikitərəfli əlaqələrin inkişafının digər mühüm bir aspekti kimi dəyərləndirib, Azərbaycan vətəndaşları ilə bərabər əcnəbilərin də təhlükəsizliyinin təmini istiqamətində respublikamızın daxili işlər orqanları əməkdaşlarının böyük əmək sərf etdiklərini diqqətə çatdırıb, bu səfərin əməkdaşlığın dərinləşməsinə xidmət edəcəyinə əminliyini bildirib.

Görüşdə qarşılıqlı maraq dоğuran digər məsələlər barəsində də ətraflı fikir mübadiləsi aparılıb.

Qəbulda İsrail Dövlətinin Azərbaycandakı səfiri Dan Stav iştirak edib.

Tarix
2019.07.23 / 18:28
Müəllif
Axar.az
Şərhlər
Digər xəbərlər

Zərdabda 4 kəndin yolu yenidən quruldu

Əhalimiz ticarət şəbəkələrində nə qədər pul xərcləyib?

Bu gündən məktəblilərin payız tətili başlayır

Bir sıra istixanaların fəaliyyəti dayana bilər - Video

Generaldan plyonka göstərişi: Cərimə yazmayın! - Foto

Mehriban Əliyeva geri qayıtdı, onu yanına çəkdi və...

Bundan daha səfeh bəyanat təsəvvür etmək olmaz - Prezident

Kirill İçərişəhəri ziyarət etdi - Foto

“Axırıncı aşırım” filmində gözdən qaçan səhnə - Video

Ordu təlimlərinin sonuncu mərhələsi keçirildi - Foto

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla