Yuxarı

Ermənilərin fəaliyyəti heç nəyi dəyişməyəcək – İranlı deputat

Ana səhifə Toplum
12 Punto 14 Punto 16 Punto 18 Punto

İranda yaşayan erməni diasporunun fəaliyyəti Tehran ilə Bakı arasındakı münasibətlərə heç bir mənfi təsir göstərə bilməz.

Axar.az xəbər verir ki, bu sözləri Azərtac-a müsahibəsində İran İslam Şurası Məclisinin (parlamentin) deputatı, İran-Azərbaycan parlamentlərarası işçi qrupunun həmsədri Salman Xodadadi deyib.

O bildirib ki, İran və Azərbaycan prezidentlərinin görüşlərinin və ölkələrimiz arasında imzalanan sənədlərin sayına diqqət yetirsək, rəsmi Tehranın hansı dövlətlə əlaqələrini inkişaf etdirmək istəyində olduğunu görərik. Son beş ildə İran və Azərbaycan prezidentləri doqquz dəfə görüşüblər. Lakin Ermənistanın siyasi rəhbərliyi ilə yalnız iki dəfə görüş keçirilib. İran ilə Azərbaycan arasında əməkdaşlıq haqqında 155-dən çox sənəd imzalandığı halda Ermənistan ilə cəmi 8 sənəd imzalanıb. Bundan başqa, nazirlərin və hərbçilərin qarşılıqlı səfərləri də uğurlu olub. İran ilə Azərbaycan rəsmilərinin qarşılıqlı səfərlərinin intensivliyi rəsmi Tehranın Bakı ilə əlaqələrin inkişafına xüsusi əhəmiyyət verdiyini göstərir.

Ermənistan-Azərbaycan Dağlıq Qarabağ münaqişəsinə toxunan S.Xodadadi bildirib ki, İran birmənalı olaraq Azərbaycanın ərazi bütövlüyünü tanıyır və suverenliyinə hörmətlə yanaşır. Deyilənləri sübuta yetirmək üçün ötən ilin dekabrında İranın Sərhəd Qoşunlarının Komandanı, general Qasım Rzayinin Azərbaycanda səfərdə olarkən verdiyi bəyanatı xatırlamaq kifayətdir. General rəsmi şəxslərlə görüşdən sonra bəyan etdi ki, “İran Azərbaycanın ərazi bütövlüyünü və ədalətli mövqeyini dəstəkləyir”. Cari ilin yanvarında isə Azərbaycana səfər edən İran Silahlı Qüvvələrinin Baş Qərargah rəisi, general Məhəmməd Baqerinin də bənzər bəyanatını qeyd etmək lazımdır. M.Baqeri bəyan edib ki, “İran hər zaman Azərbaycanın ərazi bütövlüyünü dəstəkləyib”.

“Bütün bunları nəzərdən keçirdikdən sonra deyə bilərik ki, İrandakı erməni diasporunun fəaliyyəti heç nəyi dəyişməyəcək. Bu fəaliyyət İran-Azərbaycan münasibətlərinə mənfi təsir göstərmək iqtidarında deyil. Ermənistan sadəcə olaraq, İranın qonşusudur.

Biz hər zaman Azərbaycan Respublikasının yanındayıq, Azərbaycan Respublikası bizim qəlbimizdədir. Azərbaycanın inkişafı bizi sevindirir və heç bir dövlət ölkələrimiz arasındakı qardaşlıq münasibətlərini poza bilməz”, - deyə S.Xodadadi vurğulayıb.

Tarix
2019.09.22 / 17:53
Müəllif
Axar.az
Şərhlər
Digər xəbərlər

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla