Ana səhifə Toplum |
Yanvar ayı ərzində daşınmaz əmlakın icbari sığortası, daşınmaz əmlakın istismarı ilə bağlı mülki məsuliyyətin icbari sığortası və sərnişinlərin icbari fərdi qəza sığortası üzrə 7,4 mindən çox sığorta müqaviləsi bağlanılıb.
Axar.az xəbər verir ki, bu barədə İcbari Sığorta Bürosundan AzərTAc-a informasiya verilib.
Məlumatda 2015-ci ilin yanvarında daşınmaz əmlakın icbari sığortası üzrə 6.760, daşınmaz əmlakın istismarı ilə bağlı mülki məsuliyyətin icbari sığortası üzrə 657, sərnişinlərin icbari fərdi qəza sığortası üzrə 24 sığorta müqaviləsi bağlanıb. Daşınmaz əmlakın icbari sığortası üzrə daxil olan sığorta haqlarının məbləği 4 milyon 114 min 323 manat, daşınmaz əmlakın istismarı ilə bağlı mülki məsuliyyətin icbari sığortası üzrə 45.480 manat, sərnişinlərin icbari fərdi qəza sığortası üzrə 9.822 manat təşkil edib. Ötən ilin müvafiq dövrü ilə müqayisədə daşınmaz əmlakın icbari sığortası müqavilələrinin sayında üç faiz və daşınmaz əmlakın istismarı ilə bağlı mülki məsuliyyətin icbari sığortası müqavilələrinin sayında isə təxminən iki dəfə artım müşahidə edilib.
Daşınmaz əmlakın icbari sığortası müqavilələrinin 56 faizi yaşayış evləri və mənzillər, bir faizi inzibati binalar, 43 faizi digər daşınmaz əmlakla bağlı olub.
Tarix
2015.02.08 / 15:25
|
Müəllif
İlkin Həsənov
|