Axar.az
Yuxarı

Belarus prezidenti Masallı sakininə məktub yazdı

Ana səhifə Toplum
12 Punto 14 Punto 16 Punto 18 Punto

Belarus Prezidenti Aleksandr Lukaşenko Belarusun alman-faşist işğalından azad olunmasının 70 illiyi münasibətilə keçmiş döyüşçü, müharibə veteranı Atabala Hacıyevə təbrik məktubu göndərib.

AzərTAc xəbər verir ki, 1924-cü ildə Masallı rayonunun Binə Xocavar kəndində anadan olmuş A.Hacıyev İkinci Dünya müharibəsində Taqonroqdan Berlinə qədər şərəfli döyüş yolu keçib. Belarusun, Polşanın, Moldovanın, Berlinin və Reystaqın alınmasında yaxından iştirak edən keçmiş rabitəçi döyüşdə göstərdiyi igidliyə və şücaətə görə müxtəlif orden və medallarla təltif olunub.

Prezident təbrik məktubunda bildirir ki, Böyük Vətən müharibəsi Belarus xalqının tarixi yaddaşına qəhrəmanlıq səhifəsi kimi əbədi həkk olunub. Yetmiş il tarixi baxımdan bir andır, lakin insanlıq baxımından bütöv bir həyatdır. Ötən illərdə müharibə dəhşətlərini görməyən belarusluların neçə nəsli doğulub və böyüyüb. "Bu böyük xoşbəxtlik üçün Sizə, o vaxt Vətənimizin müstəqilliyini qoruyan hər kəsə borcluyuq".

Məktubda daha sonra deyilir: "Təsadüfi deyil ki, faşist işğalından azad olunduğumuz böyük gün suveren Belarusda əsas milli bayrama – Müstəqillik Gününə çevrilib. Qələbədə və ölkənin müharibədən sonrakı dirçəlişində göstərdiyiniz şücaətə görə sizin qarşınızda baş əyirik və səmimi təşəkkürümüzü bildiririk".

Prezident keçmiş döyüşçüyə uzun ömür, möhkəm cansağlığı, tükənməz enerji, ruh yüksəkliyi arzu edib.

Tarix
2015.02.17 / 10:49
Müəllif
Axar.az
Şərhlər
Digər xəbərlər

Hər bir evin qarşısına polis qoya bilmərik - DİN

Sabah Bakıya yağış yağacaq

Azərbaycanda Zəfər Gününün tarixi dəyişdirildi

Prezidentə yazırlar: 28 illik həsrətə son qoydunuz!

Paytaxtda 2200-dən artıq pandus var - BNA

Zəngilanda ağır qəza: ölən var

Laçının Hüsülü və Malıbəy kəndləri – Video

OBA Beynəxalq Əlillər Gününü qeyd etdi - Video

Nazirlikdən sevindirici Xankəndi açıqlaması

Ermənilərin bir məbəddəki 26 saxtakarlığı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla