Axar.az
Yuxarı

“Günəşli”də daha 2 neftçinin meyiti 4,5 ildən sonra tapıldı

Ana səhifə Toplum
12 Punto 14 Punto 16 Punto 18 Punto

21:59

2015-ci il dekabrın 4-də “Günəşli” yatağındakı 10 saylı dərin dəniz özülündə baş vermiş qəza zamanı itkin düşən dənizçilərdən daha ikisinin meyitinin tapıldığı bildirilir.

Bu barədə Axar.az-a özəl mənbədən məlumat verilib.

Qeyd edilib ki, bu meyitlər də ötəndəfəki kimi, 190 metr dərinlikdə aşkarlanıb.

Hazırda meyitlərin dərinlikdən çıxarılması üçün tədbirlər həyata keçirildiyi vurğulanıb.

Məsələ ilə bağlı saytımızın sorğusuna cavab olaraq SOCAR-ın mətbuat katibi İbrahim Əhməd bildirib ki, son günlər itkin düşən neftçilərə aid meyit tapılmayıb:

“Bildiyiniz kimi, bir müddət əvvəl dənizin dərinsulu hissəsində sualtı boru xətləri təftiş olunarkən itkin düşmüş iki həmkarımızın meyiti aşkarlanıb, sudan çıxarılmışdı və onların kimliyi təsdiqləndikdən sonra torpağa tapşırıldı. Bu hadisədən sonra sualtı təftiş əməliyyatları plan üzrə davam etməkdədir. Təftiş zamanı bəzən şübhə-ehtimal doğuran görüntülərə rast gəlinə bilir və belə olan halda müvafiq dəqiqləşdirmələr aparılır. Bizdə olan məlumata görə, son günlərdə itkin düşmüş həmkarlarımıza aid heç bir meyit sudan çıxarılmamışdır. Ümumilikdə isə əgər dənizdə bir meyit aşkarlanıb, sudan çıxarılarsa, öncə onun kimliyi müəyyən edilməlidir. Belə olan halda güman olunan şəxsin ailə üzvləri ilə dərhal əlaqə saxlanılır və meyitin kimə aid olması təsdiqlənəndən sonra ictimaiyyətə məlumat verilir. Belə bir məlumatımız olsa, biz onu media mənsublarına təqdim edəcəyik”.

Qeyd edək ki, “Günəşli” yatağında yanğın 2015-ci il 4 dekabrda 10 saylı dərin dəniz özülündə baş verib. Hadisə nəticəsində 63 nəfər zərər çəkib. Onlardan 9 nəfər dünyasını dəyişib, 22 nəfər itkin düşüb.

Bu hadisə ilə əlaqədar olaraq 6 dekabr Azərbaycanda matəm günü elan edilib.

Ötən ay itkin düşən dənizçilərdən ikisinin - 1954-cü il təvəllüdlü Əbdüləziz İsmayıl oğlu Əbdüləzizov və 1973-cü il təvəllüdlü Əyyub Xəlil oğlu Əliyevin meyiti tapılmışdı. Meyitlər tanınan vəziyyətdə idi.

Tarix
2020.06.13 / 23:40
Müəllif
Nərmin Əkbərli
Şərhlər
Digər xəbərlər

8 kq narkotiklə tutulan şəxsə hökm oxundu

Zərdabda toy sahibi məsuliyyətə cəlb olundu

Buster doza ilə peyvənd olunanların sayı 1 milyona çatır

Kürdəmirdə qəza: "Mersedes" su kanalına düşdü - Foto

Hərbçilərimiz Hadruta hansı yolla gedib? - Video

Britaniya səfiri Abşeron Milli Parkında ağac əkdi

Koronaya yoluxanların sayı yenidən azaldı

Nazir Rahib Azərinin oğluna vəzifə verdi

Qusarda faciə: 40 yaşlı kişi yanaraq öldü

Goranboyda qəbiristanlıqlardan oğurluq edənlər yaxalandı

KULT
<>
Xəbər xətti
  
  
  
  
yatsan
Axar.az'da reklam Bağla
Reklam
Bize yazin Bağla