Ölkəmizdə tibbi kadrların çatışmazlığı problemi yoxdur.

Axar.az xəbər verir ki, bunu Səhiyyə Nazirliyi Aparatının rəhbəri Nadir Zeynalov Operativ Qərargahın bugünkü brifinqində deyib.

"Pandemiya gözlənilməz haldır. Heç bir ölkənin səhiyyə sistemi bu cür hallara hazır deyil. Modul tipli xəstəxanalar tikmək olar, resurslar gətirmək olar, lakin həkimləri artırmaq mümkün deyil. Sirr deyil ki, koronavirusla mübarizə aparan həkimlərin hamısı epidemioloq, reanimatoloq, anestezioloq deyil. Tibb işçilərimiz böyük yük altında çalışırlar. Müvafiq olaraq kadr nöqteyi-nəzərdən bu yükü azaltmaq planlaşdırılır və bu səbəblə təcili yardıma əlavə həkim cəlbi üçün elan verilib", - o bildirib.