Dünya ölkələrində koronavirusun inkişafı fərqli gedir.

Axar.az xəbər verir ki, bunu Səhiyyə Nazirliyinin Aparat rəhbəri Nadir Zeynalov Operativ Qərargahın bugünkü brifinqində deyib.

"Bəzi ölkələrdə artıq ikinci dalğa müşahidə edirik. Payıza ikinci dalğa qorxusu ondan ibarətdir ki, digər xəstəliklərin yayılması artır. Lakin payıza doğru müəyyən yumşalmaların olması gözlənilir. Biz ölkəmizdə epidemiyanı nə qədər nəzarətə ala biləriksə, ikinci dalğaya o qədər hazır olacağıq. Eyni zamanda iş yerlərində qaydalara riayət etməklə epidemiyanın güclənməsinin qarşısını ala bilərik. Burada həm dövlət tərəfindən görülən işlər, həm də hamımızdan asılı məqamlar var", - o bildirib.