Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
30 Sentyabr 2020


"Papanin" stansiyası və Xocasən deposunda görülən işlər...

Ana səhifə Toplum
12 Punto 14 Punto 16 Punto 18 Punto

Ceyhun Səlimov küçəsi, Silahlı Qüvvələrin Baş Klinik Hospitalının (Hərbi Hospital) qarşısında yerləşən Bənövşəyi xəttin üçüncü (B3) stansiyasında son tamamlanma işləri davam edir.

Axar.az xəbər verir ki, bunu Trend-ə Bakı Metropoliteni QSC-nin Mətbuat xidmətinin rəhbəri Bəxtiyar Məmmədov bildirib. Onun sözlərinə görə, işlər Bakı Metropoliteninin nəzarəti altındadır:

“Bu stansiya üç səviyyədən ibarətdir və hazırda da yerüstü səviyyədən platforma səviyyəsinə qədər olan hissədə tikinti ilə bağlı son tamamlanma işləri gedir. Burada işlərin hər biri ardıcıllıqla və texnoloji proseslərə uyğun şəkildə tənzimlənir. Eyni zamanda stansiyanın təchizatı, yəni gələcəkdə hərəkətin təşkili ilə bağlı bütün istiqamətlərdə işlər davam edir. Bundan əvvəlki açıqlamarda bildirmişdik ki, eskalatorların və liftlərin quraşdırılması başa çatdırılıb və bundan əlavə olaraq stansiyadan hərəkətin təşkili ilə bağlı lazım olan kommunikasiya işlərinin görülməsi davam edir. Hazırda yol infrastrukturunun qurulması ilə bağlı işlər də tamamlanma mərhələsindədir və daim olaraq nəzarətdə saxlanılır”.

B.Məmmədov qeyd edib ki, "B3" stansiyasının arxasında keçid kamerası var ki, orada da son tamamlanma işləri görülür:

“Bu stansiyanın arxa hissəsində keçid kamerası var. Bu kamera vasitəsi ilə qatarlar bir yoldan digər yola keçid edərək əks istiqamətdə hərəkət etməsi üçün şərait yaradır. Ona görə məhz bu stansiya böyük bir ərazini əhatə edir".

Mətbuat xidmətinin rəhbəri əlavə edib ki, stansiya istismara verildikdən sonra Xocasən deposunun bir hissəsinin də istifadəyə veriləcəyi gözlənilir:

“Xocasən deposunda da işlər üç mərhələdən ibarətdir və həmin işlərin birinci mərhələsinin "B3" stansiyası təhvil verildikdən sonra başa çatacağı gözlənilir. Hazırda "Avtovağzal"stansiyasından Xocasənə qədər olan hissədə yol infrastrukturunun qurulması ilə bağlı çox əhəmiyyətli işlər artıq görülüb və qalan hissənin tikintisi də sürətlə davam etdirilir. Deponun özündə də qatarların təmir, baxış sahəsinin inşaatı istiqamətində lazımı addımlar atılır”.

Mövcud pandemiya şəraitinə toxunan B.Məmmədov bildirib ki, Bakı Metropoliteninə əsas avadanlıqlar və sistemlər xaricdən gətirilir: "Ona görə də, metroda görülən işlərin bir hissəsi ölkədən kənarda olan vəziyyətdən asılıdır. Əgər vəziyyət müsbətə doğru irəliləyərsə, bu ilin sonuna kimi "B3" stansiyası təhvil veriləcək".

Tarix
2020.08.14 / 13:08
Müəllif
Axar.az
Şərhlər
Digər xəbərlər

Bolqar mətbuatı erməni vəhşiliyindən yazdı

Cəbrayıl istiqamətində erməni texnikaları məhv edildi - Video

Kocaeli Azərbaycana belə dəstək oldu - Foto

Ermənilər Tərtəri atəşə tutdu: ölən var

Suriyadan heç bir muzdlu yoxdur – İlham Əliyev

Erməni hərbçi yalvarır: Bizi tək qoydular - Video

MN-dən maraqlı paylaşım: Yalnız irəli! - Foto

Göyçayda cəbhəyə getmək üçün izdiham yaşanır - Foto

“Röyters” erməni yalanını ifşa etdi - Foto

Yol üstündə oturub qələbə xəbərini gözləyirəm - Yaşlı sakin

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla