Bu gün Beynəlxalq Mətbuat Mərkəzində Ailə, Qadın və Uşaq Problemləri üzrə Dövlət Komitəsi və Jurnalist Qadınlar Assosiasiyası AQUPDK-nın elan etdiyi "Qadınlar dövlətimizin, dövlətçiliyimizin, müstəqilliyimizin, bu günümüzün, gələcəyimizin dayağıdır" mövzusunda məqalə müsabiqənin məlumatlandırma sessiyası keçirilib.

Axar.az xəbər verir ki, Ailə, Qadın və Uşaq Problemləri üzrə Dövlət Komitəsi jurnalistlər üçün mərhum prezident Heydər Əliyevin xatirəsinə həsr olunmuş müsabiqə elan edib.

Müsabiqəyə təqdim edilən məqalələr "Arial" şriftində 14 ölçüdə, 3-5 min işarə həcmində olmalıdır.

Müsabiqədə 35 yaşa qədər olan gənc qadın jurnalistlər iştirak edə bilər. Müsabiqədə iştirak etmək istəyənlər 30 aprel 2015 tarixinə qədər məqalələrini və özləri haqqında məlumatı gender [email protected] elektron ünvanına göndərə bilərlər. Müsabiqənin qalibləri mükafatlandırılacaq.