Axar.az
Yuxarı

Rezidenturaya müsabiqənin nəticələri açıqlandı

Ana səhifə Toplum
12 Punto 14 Punto 16 Punto 18 Punto

Dövlət İmtahan Mərkəzi (DİM) 2020/2021-ci tədris ili üçün rezidenturaya qəbulun nəticələrini açıqlayıb.

DİM-dən Axar.az-a bildirilib ki, namizədlər müsabiqənin nəticələri haqqında məlumatı DİM-in internet saytından və ya mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə öyrənə bilərlər.

Qəbul imtahanının nəticələrinə əsasən müsabiqədə iştirak edən 456 namizəddən 422 nəfəri təhsilini rezidenturada davam etdirmək hüququ qazanıb. Onlardan 133 nəfəri oğlan, 289 nəfəri qızdır. 218 namizəd cari ilin, 204 namizəd isə əvvəlki illərin məzunudur.

Qəbul olanların siyahısının və ixtisaslaşmalar üzrə formalaşmış keçid ballarının əks olunduğu “Rezidentura” jurnalının 4-cü sayını sentyabrın 29-dan etibarən abiturient.az saytından PDF formatda əldə etmək mümkün olacaq.

Pandemiya ilə əlaqədar olaraq Nazirlər Kabineti yanında Operativ Qərargahın tələb və tövsiyələrini nəzərə almaqla rezidenturaya qəbul olanlar tələb edilən sənədləri 1‑9 oktyabr tarixlərində (7 iş günü müddətində) müvafiq qurumların (Tibb Universitetinin Hərbi Tibb fakültəsinə qəbul olmuş şəxslər Müdafiə Nazirliyinin, Naxçıvan Dövlət Universitetinə qəbul olmuş şəxslər Naxçıvan Muxtar Respublikası Səhiyyə Nazirliyinin, Tibb Universitetinə və digər klinik bazalara qəbul olmuş şəxslər Səhiyyə Nazirliyinin) müəyyən etdiyi müəssisələrdə yaradılmış işçi qrupa təqdim etməklə (və ya onlayn) qeydiyyatdan keçməlidirlər.

Rezidenturaya qəbul olanların bu müddətdə qeydiyyatdan keçməməsi onların yerləşdirildiyi ixtisas üzrə təhsil almaqdan imtinası kimi qiymətləndiriləcək və onlar qəbul olanlar siyahısından çıxarılacaq.

Qeyd edək ki, Azərbaycan Tibb Universitetinə və digər klinik bazalara qəbul olmuş şəxslərin ixtisaslar üzrə qeydiyyatı müxtəlif vaxtlarda ATU-nun 4 nömrəli tədris binasında (Ünvan: Bakı ş. Səməd Vurğun küçəsi 18) aparılacaq. Daha ətraflı məlumat Səhiyyə Nazirliyinin rəsmi internet saytında veriləcək.

Naxçıvan Dövlət Universitetinə qəbul olmuş şəxslər isə qeydiyyatın aparılma qaydaları haqqında məlumatla Naxçıvan Dövlət Universitetinin rəsmi internet saytından tanış ola bilərlər.

Tarix
2020.09.29 / 01:44
Müəllif
Axar.az
Şərhlər
Digər xəbərlər

"Qazprom" qülləsi bayrağımızın rənglərinə boyandı - Video

Ermənilər döyüşdən yayınmaq üçün bu yola əl atır

Erməni terrorunun qurbanı olan 16 yaşlı Orxanın - Fotosu

Qax və Zaqatalanın giriş-çıxışlarında postlar quruldu

Bakıda onlayn yolla narkotik satan şəxs saxlanıldı

Daha 72 obyektdə epidemiya əleyhinə rejim pozuldu

Qubadlının tarixi və abidələrinə qarşı erməni vandalizmi

Prokurorluq sosial şəbəkə istifadəçilərinə müraciət etdi

Düşmənin döyüş təyyarəsi məhv edildi

Şuşada üçrəngli bayrağımızı dalğalandıracağıq! - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla