Gəncədə iki tibb müəssisəsində vaksinasiya üçün xüsusi otaqlar yaradılıb.

Axar.az xəbər verir ki, Abbas Səhhət adına 1 saylı və 2 saylı poliklinikalarda vətəndaşların peyvənd olunması prossesi həyata keçiriləcək.

Hər iki tibb müəssisəində 5 otaq olmaqla, ümumilikdə 10 ayrıca otaqlar hazırlanıb.

Artıq peyvənd prossesinin necə təşkili ilə bağlı bütün lazımı tədbirlər hazırlanıb. Vaksinasiyadan sonra halı pisləşə və ya allergik reaksiya verə biləcək xəstələr üçün də xüsusi otaq yaradılıb. Söhbət təcili yardım otaqlarından gedir. Təcili tibbi yardıma ehtiyac duyacaq vətəndaşlar üçün yardım vasitələri sırasında şok əleyhinə dərmanlar da var. Bu otaqlarda gün ərzində 100 xəstənin peyvənd edilməsi mümkündür. Vaksinasiya tədbirləri tək dövlət müəssislərində həyata keçirilməyəcək. İlkin məlumata görə, özəl tibb ocaqlarında da xüsusi peyvənd otaqları yaradılcaq.