Şabran Rayon Polis Şöbəsinin əməliyyat işləri üzrə rəis müavini polkovnik-leytenant Knyaz Həsənov vəzifəsindən azad edilib.

Axar.az xəbər verir ki, daxili işlər naziri Vilayət Eyvazovun digər sərəncamı ilə K.Həsənov Nizami (Gəncə şəhər) Rayon Polis İdarəsinə rəis təyin edilib.

Xatırladaq ki, Nizami rayonunun polis rəisi Samir Həsənov Bakı şəhərindəki 8-ci Polis Bölməsinə rəis təyin edilmişdi.

K.Həsənov hazırda rəis təyin etdiyi əraziyə yaxşı bələddir. Belə ki, o, Şabran rayonundan öncə Gəncə şəhərinin Nizami və Kəpəz rayonlarında polis rəisinin müavini olub.

Vilayət Eyvazovun daha bir sərəncamı ilə isə Masallı Rayon Polis Şöbəsinin rəisi polkovnik Habil Əmiraslanov Tovuz Rayon Polis Şöbəsinin rəisi təyin edilib.

Qeyd edək ki, bir müddət öncə Tovuz rayonunun polis rəisi Şirzad Əsgərov təqaüdə göndərilmişdi.