Milli Məclisin Mədəniyyət komitəsinin sədri Qənirə Paşayeva Mingəçevir şəhər sakini, Vətən müharibəsinin şəhidləri Musa və Turalın anası Nəhayət Həsənova ilə Milli Məclisdə görüşüb.

Axar.az xəbər verir ki, millət vəkili ailənin qayğıları ilə maraqlanıb.

"Musa və Tural Həsənovlar cəbhəyə könüllü getmişdi. Şəhid oğullarınız Azərbaycan Prezidentinin sərəncamı ilə ərazi bütövlüyümüzün təmin olunması uğrunda döyüş əməliyyatlarında iştirak edərkən, hərbi hissə qarşısında qoyulmuş tapşırıqların icrası zamanı vəzifə borclarını şərəflə yerinə yetirdiklərinə görə “Vətən uğrunda” medalı ilə təltif olunub.

Musa həmçinin "Suqovuşanın azad olunmasına görə" medalı ilə də təltif olunub.

Musa və Tural kimi gənclərimizlə hər zaman qürur duyacağıq!” – millət vəkili deyib.

Q.Paşayeva qələbə münasibəti ilə şəhidlərin anasını təbrik edib, hər zaman onun yanında olduğunu bildirib.

Şəhidlərin anasına Komitə adından məktub təqdim edilib.