Axar.az
Yuxarı

Axar.Az Logo

Şuraya qarşı kampaniya: “stəkanda fırtına”nı kim qoparır?

Ana səhifə Toplum
12 Punto 14 Punto 16 Punto 18 Punto

Məlum olduğu kimi, Azərbaycan Respublikası Hesablama Palatası ötən il 30-dan çox qurumda apardığı dövlət maliyyə nəzarəti barədə yekun nəticəni açıqlayıb. Hesablama Palatasının 2020-ci ildə başa çatdırdığı nəzarət tədbirlərinin nəticəsi olaraq 53 milyon manata yaxın (52846,9 min manat) dövlət vəsaitinin büdcəyə bərpa olunması haqqında qərar qəbul edib. Hesablama Palatasının yoxlamalar apardığı qurumlar arasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası da var. Hesablama Palatasının 3 il, yəni 2017, 2018 və 2019-cu illər üzrə üzrə Şurada aşkarladığı çatışmazlıqlar nəticəsində 174.475 manat dövlət vəsaitinin büdcəyə bərpası haqqında qərar qəbul edilib. Bu vəsaitin 23.612 manatı QHT layihələrini, 19.440 manatı dövlət qulluğunda çalışan ekspertlərə ödənilən qonorarı, 118.623 manatı podratçı təşkilatları və 12.800 manatı Auditorlar Palatasının üzvü tərəfindən aparılan yoxlamaya görə ödənişi əhatə edir. QHT-lər və podratçı təşkilatlar demək olar ki, müvafiq vəsaiti büdcəyə qaytarıb.

Axar.az xəbər verir ki, bu sözləri Şuranın ictimaiyyətlə əlaqələr bölməsinin rəhbəri Elməddin Behbud Hesablama Palatasının Şurada apardığı yoxlamalarla bağlı qeyd edib.

O qeyd edib ki, Şura Katibliyinin icraçı direktoru Fərasət Qurbanov “Yeni Müsavat” qəzetinə verdiyi müsahibədə bu yoxlamaların nəticələri barədə ictimaiyyətə ətraflı şəkildə məlumat verib:

“Hamımız bilirik ki, fəaliyyətin olduğu yerdə nöqsan və çatışmazlıqların olması təbiidir. Hesabalama Palatasının hər il onlarla dövlət qurumunda büdcədən ayrılan vəsaitlərin xərclənməsi vəziyyətini yoxlaması normal praktikadır. Məlumat üçün bildirirəm ki, Şuranın təşəbbüsünə baxmayaraq, qurum fəaliyyətə başladığı 2008-ci ildən ötən ilədək yoxlamaya cəlb olunmamışdır. Bu baxımdan belə yoxlamaların aparılması qurumun fəaliyyətinin təkmilləşdirilməsi və daha yaxşı təşkil olunması baxımından olduqca faydalıdır. Yoxlamanın məqsədi çatışmazlıqları və pozuntuları aşkar edərək müvafiq qurumların fəaliyyətini təkmilləşdirməsinə kömək etməkdir. Müvafiq təşkilatların işi isə bu yoxlamalardan nəticə çıxararaq həmin nöqsanları aradan qaldırmaqdır.

Təəssüflər olsun ki, bu məsələdən də bəzi maraqlı adamlar istifadə edərək “milyonların mənimsənilməsi” adı altında “stəkanda fırtına” qoparmağa çalışır. Bu bizə təəccüblü deyil, çünki Şura, bəzi maraqlı adamlar üçün yeni mövzu deyil. Belə kampaniyalar aparmaq onların köhnə şakəridir. Görünür, onlar indi də manipulyasiya üçün yeni fürsət əldə etdiklərini düşünürlər”.

Tarix
2021.04.06 / 15:31
Müəllif
Axar.az
Şərhlər
Digər xəbərlər

Cəbrayılın Şahvələdli kəndi - Video

Həbs edilən 40 yaşlı direktorun - Heyrətamiz dosyesi

Şagirdə kömək edən nəzarətçi imtahandan xaric olundu

Şəkidə gecə fəaliyyət göstərən iki obyekt aşkarlandı

İMZA-çılar Hərbi Qənimətlər Parkında - Foto

Peyvənd saxtakarlığı: Daha 2 nəfər işdən qovuldu - Şok video

Korona xəstələrindən rüşvət alanların saxlanma - Videosu

Azərbaycanda yeni iş yerləri açılır

“Bravo” bu səhvə görə üzr istədi - Foto

Pakistanlı direktor Ağdam səfərindən yazdı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla