17:56

Daşkəsən şəhərində keçirilən toy mərasimində bıçaqlanma olub, ölən var.

Axar.az xəbər verir ki, Daşkəsən şəhər ərazisində keçirilən toy mərasimində qonaqlar arasında mübahisə yaşanıb.

Bir nəfər bıçaqlanıb. O, ağır halda xəstəxanaya aparılan zaman yolda dünyasını dəyişib.

Faktla bağlı araşdırmalara başlanılıb.

***

Daşkəsən rayonunda qətlə yetirilənin şəxsiyyəti məlum olub.

Toy mərasimində ürək nahiyəsindən bir bıçaq zərbəsi ilə qətlə yetirilən Daşkəsən rayon Alaxançallı kənd sakini, 1998-ci il təvəllüdlü Eldəniz Mustafa oğlu Namazovdur.

***

Daşkəsəndə keçirilən toy mərasimində 23 yaşlı gənci ürəyindən bıçaqlayaraq qətlə yetirən şəxs polis əməkdaşları tərəfindən saxlanılıb.

Faktla bağlı Daşkəsən rayon Prokurorluğunda Cinayət Məcəlləsinin müvafiq maddəsi ilə cinayət işi açılıb.