Axar.az
Yuxarı

YAP-ın yerli təşkilat sədrləri hansı hallarda işdən çıxarılacaq?

Ana səhifə Toplum
12 Punto 14 Punto 16 Punto 18 Punto

Yeni Azərbaycan Partiyasının yerli təşkilatlarının fəaliyyətinin təşkili qaydası müəyyənləşib.

Axar.az Report-a istinadən xəbər verir ki, bu, partiyanın yerli təşkilatları haqqında yeni Əsasnamədə əksini tapıb.

Yerli təşkilatın fəaliyyətinin təşkili aşağıdakı kimi həyata keçirilir:

Yerli təşkilat İdarə Heyətinin qərarı ilə yaradılır, yenidən təşkil və ləğv olunur. YAP ləğv olunduğu halda partiyanın yerli təşkilatları da ləğv edilir.

Yerli təşkilatın fəaliyyətinə yerli təşkilatın sədri rəhbərlik edir.

Yerli təşkilatın sədri İdarə Heyətinin qərarı ilə vəzifəyə təyin və vəzifədən azad edilir. Yerli təşkilatın sədri qanunvericiliyin, YAP Nizamnaməsinin, orqanlarının qərarlarının və bu Əsasnamənin tələblərinə əsasən öz səlahiyyətlərini icra edə bilmədikdə və ya onun fəaliyyəti qeyri-qənaətbəxş hesab edildikdə o, intizam tənbeh tədbiri olaraq vəzifəsindən azad oluna bilər. Yerli təşkilat sədrinin vəfat etdiyi və ya YAP-da üzvlüyünə xitam verildiyi halda o, yerli təşkilatın sədri vəzifəsindən azad edilmiş hesab olunur. Yerli təşkilat sədrinin vəzifəyə təyin və vəzifədən azad edilməsi Mərkəzi Aparat rəhbərinin əmri ilə rəsmiləşdirilir.

Yerli təşkilat sədrinin bir müavini olacaq. Sədrin müavinini Mərkəzi Aparatın rəhbəri ilə razılaşdırmaqla sədr özü vəzifəyə təyin və vəzifədən azad edəcək. Sədr müavini qanunvericiliyin, YAP Nizamnaməsinin, orqanlarının qərarlarının və bu Əsasnamənin tələblərinə əsasən öz səlahiyyətlərini icra edə bilmədikdə və ya onun fəaliyyəti qeyri-qənaətbəxş hesab edildikdə o, intizam tənbeh tədbiri olaraq vəzifəsindən azad oluna bilər.

Yerli təşkilatın cari fəaliyyəti onun Aparatı (bundan sonra – Aparat) vasitəsi ilə həyata keçirilir. Aparata rəhbərliyi yerli təşkilatın sədri həyata keçirir.

Sədr, onun müavini və Aparatın digər işçiləri əsas iş yeri üzrə yerli təşkilatda çalışırlar və buna görə əməkhaqqı alırlar.

Aparat işçilərinin vəzifələrə görə əmək haqlarını YAP-ın Sədri təsdiq edir.

Tarix
2021.09.13 / 15:30
Müəllif
Axar.az
Şərhlər
Digər xəbərlər

“Əsrin müqaviləsi”nin imzalanmasından 27 il ötür

Səfir Londonda yaşayan azərbaycanlılarla görüşdü

Deputatlar Rusiyada seçkiləri müşahidə etdi

Səyyad Əlizadə ilə bağlı üzücü xəbər

Erməni əsirlərinə "Cücələrim" mahnısı oxutduran igidimiz - Video

Qanıx çayında suyun səviyyəsi 33 santimetr artdı

Belçikanın keçmiş səfiri: Bakıda yaşadığım üçün...

Qanunsuz sərnişin daşıyanlar cərimələndi

Ölkədə neçə nəfər peyvənd olunub?

Ölkədə koronavirusa yoluxanların sayı açıqlandı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla