Sabah Azərbaycanın bəzi yerlərində şimşək çaxacaq, yağış yağacaq.

Ekologiya və Təbii Sərvətlər Nazirliyinin Milli Hidrometeorologiya Departamentindən Axar.az-a verilən məlumata görə, oktyabrın 6-da Bakıda və Abşeron yarımadasında bəzi yerlərində qısa müddətli yağış yağacaq, gün ərzində havanın dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əcəcək.

Havanın temperaturu gecə 15-18, gündüz 21-26 dərəcə isti olacaq.

Azərbaycanın rayonlarında oktyabrın 6-da gecə və səhər bəzi yerlərdə şimşək çaxacağı, yağış yağacağı, havanın gün ərzində əsasən, yağmursuz keçəcəyi gözlənilir. Şərq küləyi əcəcək.

Havanın temperaturu gecə 12-17, gündüz 23-28, dağlarda gecə 5-10, gündüz 13-18 dərəcə isti olacaq.